drisla.mk

РЕКОНСТРУКЦИЈА НА АСФАЛТЕН ПАТ ВО КРУГОТ НА ДЕПОНИЈАТА ДРИСЛА

Wed, 06 Aug 2025 11:09:06 +0000

Извршена е целосна реконструкција на асфалтниот пат во кругот на депонијата Дрисла изведен пред повеќе од 30 години. Реконструкцијата е извршена на асфалтниот пат по кој се движат комуналните возила до депонијата во должина од 400 метри и ширина од 5 метри.

Во текот на санацијата беше извршено машинско гребење (од 10см до 12см) на оштетениот постоечки асфалт, поставен е слој од тампонски материјал од дробен камен со дебелина од 20 сантиметри и извршено е машинско асфалтирање на површината со вградување на битуминизиран носив слој со дебелина од 7 сантиметри и абечки слој од асфалт со дебелина од 5 сантиметри.

Со оваа реконструкција се овозможува секојдневно, непречено и безбедно движење на возилата кои транспортираат отпад до депонијата Дрисла.

The post РЕКОНСТРУКЦИЈА НА АСФАЛТЕН ПАТ ВО КРУГОТ НА ДЕПОНИЈАТА ДРИСЛА appeared first on drisla.mk.

ЧИСТЕЊЕ И ДЕЗИНФЕКЦИЈА НА СТАНИЦАТА ЗА РЕЦИРКУЛАЦИЈА НА ОТПАДНИ ВОДИ ВО ЈП ДРИСЛА СКОПЈЕ

Tue, 17 Jun 2025 11:32:02 +0000

Согласно спроведената постапка за јавна набавка на услуга за машинско пробивање и чистење на одводни системи и таложници, во почетокот на месец јуни извршено е хидромеханичко пробивање, чистење на атмосферскиот и канализациониот систем, извлекување на отпадниот талог, негово транспортирање и депонирање на депонијата Дрисла.

Надворешната фирма ангажирана од страна ЈП депонија Дрисла Скопје со специјални возила изврши целосно чистење на талогот и бигорот од таложниците, бетонските канали, дренажната цевка под габионите и системот за одведување на отпадната вода во резервоарите за рециркулација на истата.

Исто така, извршено е чистење на сувите комори, коморите со потопните пумпи и резервоарите за отпадна вода од насобраниот талог како процес на разградување и таложење на цврстите честички во отпадната вода, целосно се исчистени резервоарите и на крај направена е дезинфекција на станицата за рециркулација на отпадни води, а целиот талог со вакумпресс возило одложен е на депонија Дрисла.

The post ЧИСТЕЊЕ И ДЕЗИНФЕКЦИЈА НА СТАНИЦАТА ЗА РЕЦИРКУЛАЦИЈА НА ОТПАДНИ ВОДИ ВО ЈП ДРИСЛА СКОПЈЕ appeared first on drisla.mk.

ОБНОВЕН ВОЗНИОТ ПАРК НА ДРИСЛА

Дијана Велјановска — Tue, 06 Aug 2024 11:05:38 +0000

По повод 30 години од изградбата на депонијата и формирањето на јавното претпријатие, а со цел подобрување и унапредување на работниот оперативен процес, но и подобрување на условите за работа на вработените, како и грижата за животната средина, ЈП депонија Дрисла Скопје продолжува со осовременување на депонијата согласно европските стандарди за управување со отпад.

По обновувањето на дел од механизацијата во 2021 година, со набавка на четири нови градежни машини, од кои два булдожери и два натоварувачи, потребни за третирање на неопасниот отпад на депонијата Дрисла, за потребите претпријатието за обезбедување на навремени и квалитетни услуги на јавните и приватните установи, ЈП депонија Дрисла Скопје, после долго време го обнови возниот парк со еден нов камион подигнувач и едно комбе за собирање и транспортирање на медицински отпад. Со набавката на новите возила претпријатието ќе ги зајакне своите технички капацитети и ќе ја подобри ефикасноста и ефективноста на функционирањето на самата институција.

ЈП депонија Дрисла Скопје, преку имплеметација и реализација на инвестиционата програма, инвестира и во иднината на претпријатието, во олеснување на работните процеси и во подобрување и унапредување на услугите кои се во служба на корисниците и граѓаните на Град Скопје.

The post ОБНОВЕН ВОЗНИОТ ПАРК НА ДРИСЛА appeared first on drisla.mk.

ПОВИСОКИ ПЛАТИ ЗА 10%

Wed, 01 Nov 2023 13:25:37 +0000

ЈП депонија Дрисла Скопје изврши пропорционално зголемување на платата на вработените за 10%, и истата започна да се применува од месец септември 2023 година.

Дрисла како социјално и општествено одговорна компанија која согласно дејноста која ја извршува, покрај одржување на здрава и чиста животна средина и поттикнување на еколошката свест на луѓето, се грижи и за благосостојбата на своите вработени.

Преку континуираното подобрување на условите за работа, развојот на човечкиот потенцијал со учество на бројни обуки, семинари и работилници, давањето еднакви можности на сите вработени, ЈП Дрисла ги наградува своите вработени за нивниот придонес во унапредувањето на работењето на претпријатието.

Со оглед дека задоволните вработени се суштина за успех во компанијата, ЈП Дрисла втор пат оваа година ги покачува платите на вработените, со што се стимулира подобрување на стандардот на живот на вработените и зголемување на мотивот за професионално, квалитетно и целосно исполнување на работните задачи.

The post ПОВИСОКИ ПЛАТИ ЗА 10% appeared first on drisla.mk.

Одржана годишна конференција на МАСВА посветена на „Имплементација на кружна економија во управувањето со цврстиот отпад“

Thu, 08 Jun 2023 12:58:42 +0000

На 29-30 мај 2023 година во хотел Холидеј Ин во Скопје се одржа годишна конференција на МАСВА посветена на “Имплементација на кружна економија во управувањето со цврстиот отпад“.

На конференцијата главниот фокус беше ставен на создавање одржлив систем за управување со отпадот, преку селектирање, соодветно отстранување, рециклирање и повторна употреба на отпадот, согласно принципите на кружната економија.

Беа презентирани досегашни искуства и позитивни практики на држави членки на ISWA како Норвешка, Австрија, Унгарија, Хрватска и други дека кружната економија, базирана на одржлив систем за управување со отпад е основа за економски развој, креирање на нови работни места и создавање на услови за унапредување на животната средина што за државата значи поквалитетен и поздрав живот.

Во рамките на конференцијата свое обраќање покрај министерката за животна средина и просторно плaнирање, Каја Шукова, претседателот на МАСВА Михаил Матески, Деканот на Технолошко металуршкиот факултет од Скопје Стефан Кувенџиев, свое излагање имаа и претставници на неколку домашни и странски компании, како и домашни и странски екперти и професори од Машинскиот и Технолошки металуршкиот факултет од Скопје и Универзитетот Американ Колеџ од Скопје.

Првиот ден, панел дискусиите беа посветени на две теми “Воведување на депозитен систем и враќање на пакувањето во Р.С.Македонија“ и “Енергија од отпад – ограничување или придобивки од земјата?“

Во текот на вториот ден, главни теми беа “Дополнителни текови на отпад во проширена одговорност на производителот“, “Финансирање на системи за одржливо управување со отпад“ и “Младите и науката во решенијата за одржливо управување со отпад“.

Директорот Александар Кузинаков во знак на одбележување на 10 годишнината од работењето на МАСВА прими признание за ЈП депонија Дрисла Скопје за особен придонес за развојот на организацијата и проширување на соработката како и унапредување на управувањето со отпад во земјава.

The post Одржана годишна конференција на МАСВА посветена на „Имплементација на кружна економија во управувањето со цврстиот отпад“ appeared first on drisla.mk.

НОВИ МЕТАЛНИ КОНТЕЈНЕРИ ЗА ТРАНСПОРТ НА МЕДИЦИНСКИ ОТПАД

Tue, 07 Feb 2023 07:55:47 +0000

ЈП депонија Дрисла Скопје набави два нови метални контејнери за транспорт на отпад со зафатнина од 10м3, со што продолжува со модернизација, опремување и развој на претпријатието.

Старите метални контејнери на камионите за транспорт на медицински отпад се заменети со нови, со што се овозможува безбедно транспортирање на медицинскиот отпад од јавните и приватните здравствени установи до депонијата Дрисла каде се врши негов соодветен третман.

Медицинскиот отпад како посебен вид на отпад поради своите специфични карактеристики бара посебен третман и како таков мора да биде одвоен од комуналниот отпад, како при процесот на неговото настанување, така и при процесот на неговиот транспорт и третман.

Покрај посебниот третман на медицинскиот отпад oд клучно значење е и неговиот соодветен транспорт во специјални контејнери, поради што претпријатието обезбеди нови контејнери кои се согласно европските стандарди за управување со опасен отпад.

The post НОВИ МЕТАЛНИ КОНТЕЈНЕРИ ЗА ТРАНСПОРТ НА МЕДИЦИНСКИ ОТПАД appeared first on drisla.mk.

СООБРАЌАЈНО РЕШЕНИЕ ЗА ОБЈЕКТOT ВО КОЈ Е СМЕСТЕН АВТОКЛАВОТ

Fri, 03 Feb 2023 12:03:03 +0000

За потребите на објектот во кој е сместен новиот стерилизатор (автоклав) за третман на медицински отпад, лабораторија, работни простории и туш кабини за вработените, извршена е изградба на пристапни патишта до објектот преку кои ќе се движат возилата со медицински отпад со тампонирање, пешачки патеки со бехатон коцки за полесен пристап до новиот објект за вработените кои своите работни задачи ги извршуваат во тој објект.

Исто така, изработени се улици и паркинг простор со асфалт врз набиена подлога од тампон со површина од 870м2 и асфалтирана е улица околу објектот за возилата со медицински отпад во должина од 150м.

Со овие активности извршено е комплетно уредување на просторот околу објектот со што се овозможува непречено функционирање на претпријатието и извршување на работните задачи на вработените поврзани со транспорт, прием и третман на медицински отпад.

The post СООБРАЌАЈНО РЕШЕНИЕ ЗА ОБЈЕКТOT ВО КОЈ Е СМЕСТЕН АВТОКЛАВОТ appeared first on drisla.mk.

ДРИСЛА ДОНИРАШЕ ПАКЕТИ СО ХРАНА И ХИГИЕНСКИ СРЕДСТВА

Fri, 30 Dec 2022 10:20:29 +0000

По повод новогодишните празници ЈП депонија Дрисла Скопје донира пакети со храна и хигиенски средства за дел од семејствата на кои им помага Хуманитарната организација “Свети Спас“ која во својата програма има вклучено над 300 семејства кои ги помага континуирано секој месец.

ЈП депонија Дрисла Скопје како општествено одговорна компанија во рамките на своите можности секогаш се труди да помага на луѓе, семејства и организации на кои им е потребна помош, при што оваа година за новогодишните празници преку Хуманитарната организација “Свети Спас“ и Хуманитарната организација „Ел Хилал“ успеа да израдува повеќе социјално загрозени семејства кои не се во можност да си ги обезбедат основните намирници за исхрана, како и неопходните хигиенски средства.

The post ДРИСЛА ДОНИРАШЕ ПАКЕТИ СО ХРАНА И ХИГИЕНСКИ СРЕДСТВА appeared first on drisla.mk.

ИЗВРШЕНО Е ЦЕЛОСНО ПОКРИВАЊЕ НА ОТПАДОТ СО ИНЕРТЕН МАТЕРИЈАЛ (ЗЕМЈА)

Fri, 23 Dec 2022 12:47:59 +0000

Со цел заштита на животната средина и заштита на здравјето на луѓето, а воедно и почитување на стандардите за управување со отпад, депонијата Дрисла изминатиот период работеше напорно на целосно покривање на отпадот со инертен материјал (земја).

Со оглед на тоа што поголем дел од депонијата изминатата година беше непокриен, се работеше на целосно покривање на површина од 1.000м2 за што е извршено ископ, транспорт и планирање на 28.000м3 земја со сопствени градежни машини и камиони.

Депонијата Дрисла која го опслужува регионот на Скопје, со околу 600.000 жители е единствена депонија која поседува дозвола во Република Македонија и работи согласно европските стандарди за управување со отпад.

На депонијата Дрисла се прима цврст комунален и друг вид на неопасен отпад и се применува технологија на санитарно депонирање што подразбира планирање и набивање на отпадот на слоеви и покривање на истиот со инертен материјал (земја).

Главана операција е депонирањето на отпадот кој се одвива во слоеви со вкупна висина од 2,7 метри, од кои 2,2 метри е набиен смет кој се набива со специјализирани машини за набивање на отпад (компактори), исто така во сопственост на претпријатието.

The post ИЗВРШЕНО Е ЦЕЛОСНО ПОКРИВАЊЕ НА ОТПАДОТ СО ИНЕРТЕН МАТЕРИЈАЛ (ЗЕМЈА) appeared first on drisla.mk.

НАБАВЕНА ЛИЧНА ЗАШТИТНА ОПРЕМА ЗА ВРАБОТЕНИТЕ

Wed, 09 Nov 2022 10:50:31 +0000

ЈП депонија Дрисла Скопје и понатаму продолжува да се грижи за своите вработени преку обука за безбедност и здравје при работа и обезбедување соодветна Лична заштитна опрема со цел подигнување на свеста на вработените за грижа на своето здравје и обезбедување здрава и безбедна работна средина за нив и околината.

Со цел да се создаде највисоко ниво на безбедност и здравје при работа и несаканите последици како што се повреда на работа, професионални болести и болести поврзани со работното место да се сведат до најмала можна мерка, согласно Законот за безбедност и здравје при работа и Правилникот за лична заштитна опрема на ЈП депонија Дрисла Скопје набавена е Лична заштитна опрема за вработените.

Набавената Личната заштитна опрема која вклучува работна заштитна облека (заштитни летни и зимски одела, заштитни јакни за обезбедување и за превенција и справување со кризи, заштитни летни и зимски панталони, блузони, заштитни флуросцентни елеци, мантили, кабаници и маици) и работни заштитни чевли, ракавици, капи, маски и друга заштитна опрема, ги исполнува стандардите на Европската унија како и меѓународните прописи во однос на дизајнот и производството, а посебно во однос на безбедноста и здравјето нa вработените.

Со опремата се задолжуваат вработените кај кои за ризикот на работото место се проценети опасности и штетности, кои не можат да се избегнат, по претходно превземени мерки за безбедна работа и ќе се употребува само за целите за која е наменета.

Постојаната грижа за здравјето и безбедноста на вработените е приоритет од највисок степен за претпријатието.

The post НАБАВЕНА ЛИЧНА ЗАШТИТНА ОПРЕМА ЗА ВРАБОТЕНИТЕ appeared first on drisla.mk.